Խոշոր ավտովթար Կոմիտասի պողոտայում. կա 4 վիրավոր. ՖՈՏՈՌԵՊՈՐՏԱԺ

Այսօր՝ նոյեմբերի 21-ին, խոշոր ավտովթար է տեղի ունեցել Երևանում։ Ժամը 00։40-ի սահմաններում Կոմիտասի պողոտայում՝ «Ինեկոբանկի» հարևանությամբ, բախվել են Opel Corsa մակնիշի 35 AQ 730 համարանիշի և Վազ 2109 մակնիշի 34 RP 352 համարանիշի ավտոմեքենաները։ Ինչպես հայտնում է ֆոտոլրագրող Գագիկ Շամշյանը, դեպքի վայր են ժամանել թիվ 5 հրշեջ-փրկարարական ջոկատը, ովքեր հոսանքազրկել են ավտմեքենաները։ Մինչ հրշեջների ժամանումը, քաղաքացիների օգնությամբ թիվ 1 համալսարանական հիվանդանոց են տեղափոխվել 47-ամյա Մարգարիտա Ադամյանը, 47-ամյա Տիգրան Զաքարյանը, ևս 2 հոգի՝ 44-ամյա Լուսինե և 46-ամյա Կարեն անվամբ քաղաքացիներ։ Վթարի վայր են ժամանել Ճանապարհային ոստիկանւթյան 1-ին սպայական գումարտակի ծառայողները։ վթարի մասին ՃՈ օպերատիվ կառավարման կենտրոնի պատասխանառու հերթապահ Արշակ Գրիգորյանը տեղեկությունը փոխանցել է ՃՈ Ճանապարհատրանսպորտային պատահարների գործերով հետաքննության և վարչական վարույթի իրականացման բաժին, որտեղից ժամանել է ավագ հետաքննիչ Գևորգ Խանաղյանը, ում կողմից փաստի առթիվ նյութեր են նախապատրաստվում։ Ոստիկանությունն ու հետաքննչական բաժինը պարզում են վարորդների և վիրավորների ամբողջական տվյալները։ Գ. Շամշյանը հայտնում է նաև, որ վիրավորներին առաջինը օգնության են հասել քաղաքացիները, և օպերատիվ են գործել շտապօգնության խմբերը։ Ծանուցում. Ենթադրյալ հանցանքի մեջ կասկածվողը կամ մեղադրվողը համարվում է անմեղ, քանի դեռ նրա մեղավորությունն ապացուցված չէ ՀՀ քրեական դատավարության օրենսգրքով սահմանված կարգով` դատարանի` օրինական ուժի մեջ մտած դատավճռով: Լուսանկարները՝ Սմբատ Պետրոսյանի