ԱՄՆ-ից հիասթափված

Թուրքիայի նախագահ Ռեջեփ Թայիփ Էրդողանը մեղադրել է ԱՄՆ նախագահ Բարաք Օբամային և փոխնախագահ Ջո Բայդենին նրանում, որ նրանք անլուրջ են մոտեցել Սիրիայում խնդիրների լուծմանը,  հայտնում է РИА Новости-ն: CBS հեռուստաալիքի «60 րոպե» ծրագրի հետ հարցազրույցում Էրդողանը հայտարարել է, որ Սիրիայում շարունակվող պատերազմն անվտանգության սպառնալիք է ստեղծել Թուրքիայի հարավային սահմաններրի համար, խոչընդոտել Անկարայի պաշտպանական հնարավորություններին և հանգեցրել նրան, որ Թուրքիայում հայտնվել է 3 մլն սիրիացի փախստական։ «Մենք քննարկել ենք դրանք նախագահ Օբամայի և փոխնախագահ Բայդենի հետ։ Նրանք այդ իրավիճակում հայտնվել են ոչ բարձունքի վրա և չեն կարողացել լրջորեն մոտենալ այդ հարցերին։ Դա մեզ համար բավականին մտահոգիչ է»,-ասել է Էրդողանը։ Նա նաև նշել է, որ «հիասթափված է»՝ կապված Սիրիայի հարցով ԱՄՆ դիրքորոշման հետ։ Էրդողանը նաև քննադատել է ԱՄՆ-ին այն բանի համար, որ երկիրը  Թուրքիային դեռևս չի արտահանձնել իսլամական քարոզիչ Ֆեթթուլահ Գյուլենին, որին Անկարան համարում է այս տարվա ամռանը երկրում հեղաշրջման փորձի կազմակերպիչ։