Պյոտր Պորոշենկոն կմասնակցի Մայդանի դեպքերի վերաբերյալ հարցաքննությանը

Ուկրաինայի նախագահի աշխատակազմը ծանուցում է ստացել, որով Պյոտր Պորոշենկոյին կանչել են հարցաքննության` 2014 թվականի հունվար-փետրվարին Կիևում ցուցարարների դեմ հանցագործությունների գործով: Այս մասին հայտնում է «Украинские новости»-ն` հղում անելով նախագահի աշխատակազմին: «Նոյեմբերի 9-ին փաստաթուղթ է կազմվել, ըստ որի նոյեմբերի 29-ին նախագահ Պյոտր Պորոշենկոն պետք է ներկայանա Գլխավոր դատախազություն»,- նշվում  է ուկրաինական կառավարության պատասխանում: Ուկրաինայի գլխավոր դատախազ Յուրի Լուցենկոն վերջերս հայտնել էր, որ Պորոշենկոն ցուցմունք կտա 2013-2014 թվականի Մայդանի դեպքերի վերաբերյալ: