Խ՞ի, կասկածում ես, որ չենք ընդունի.Վարդան Այվազյան

Այսօր Հայելի ակումբում  լրագրողների  հետ հանդիպման  ժամանակ  ԱԺ  ՀՀԿ-ական  պատգամավոր  Վարդան  Այվազյանն   ասաց, որ  ռուսական  ռուբլու  արժեզրկումը  կապված  է  մի շարք  հանգամանքների  հետ: «Ռուսաստանից  Հայաստան  էր  ուղարկվում  շուրջ    երկու  միլիարդ  դոլարին  համարժեք  գումար: Ռուբլու  արժեզրկումը  առաջ  բերեց  դրամական  միջոցների  սղության, ինչն  իր  հերթին  ազդեցություն  ունեցավ   մեր  տնտեսության  վրա: Իմ  խորին  համոզմամբ`  շատ  կարճ  ժամանակահատվածում   Ռուսաստանը   կունենա  լուրջ  տնտեսական վերելք՝  իր  ցածր  ինքնարժեքի  հաշվին»-հայտնեց  պատգամավորը: Վարդան  Այվազյանը  կարևոր  է  համարում ՀՀ-ի` ԵՏՄ-ին  անդամակցումը,  համարելով, որ  այն  լուրջ  հնարավորություններ  կստեղծի  Հայաստանի  համար: «ՀՀ  անդամակցումը  ԵՏՄ-ին՝  դա ճիշտ  ընտրված  տնտեսական  քաղաքականություն  է: Եթե  մենք  որոշակի  լծակներ  չենք  օգտագործում, չենք  օգտվում  այդ  հրաշալի  հնարավորությունից,  դա  չի  նշանակում, որ  քաղաքական ընտրությունը  սխալ  է  կատարված»-նշեց  բանախոսը`շարունակելով. «Իրանի նկատմամբ  պատժամիջոցների  վերացումը  լուրջ  հնարավորություններ  է  ստեղծում  Հայաստանի  համար  և  մեր  կողմից  շատ  սխալ  կլինի  չօգտվել  այդ  հնարավորությունից: Իրանը  ամենաբարիացակամ  պետությունն  է  տարածաշրջանում  և հարկավոր  է  նրա  հետ  ամուր  կապեր  պահպանել»: Վարդան  Այվազյանը  վստահաբար  հայտնեց, որ  ոչ ոք դեռևս  էժան  գազ  չի  առաջարկել  և  Իրանը  միայն  հայտարարում  է, որ  պատրաստ  է  գազ  մատակարարել: «Մեզ  ոչ  ոք  չի  ասում, որ  պարտավոր  ենք  միայն  Ռուսաստանից  գազ  գնենք: Խ՞ի  կասկածում ես, որ ասեն   160  դոլարից  էժան  գազ ենք  տալիս, մենք  չընդունենք»-հարցադրում արեց պատգամավորը: Լուսինե  Միքաելյան