Ռուսական նոր ռազմաբազաների կարիք չունենք. Սերժ Սարգսյան
«Հայաստանում ռուսական նոր ռազմաբազաներ տեղակայելու կարիք չկա. բավական է միայն ռազմական հզորություն հաղորդել եղածին: Կարծում եմ՝ դրա կարիքը չկա, քանի որ ռազմաբազան ունի բոլոր հնարավորությունները՝ ներառելու անհրաժեշտ բոլոր տարրերը: Այդ իսկ պատճառով՝ փոքրիկ Հայաստանի համար մի ռազմաբազան բավական է. դրան ուղղակի պետք է ռազմական հզորություն հաղորդել»,- այս մասին «Ռուսաստանն այսօր» («Россия сегодня») լրատվական գործակալության գլխավոր տնօրեն Դմիտրի Կիսելյովին տված հարցազրույցում ասել է Հայաստանի Հանրապետության նախագահ Սերժ Սարգսյանը: Աղբյուրը հիշեցնում է, որ Գյումրիում ռուսական 102-րդ ռազմաբազայի տեղակայման վերաբերյալ պայմանագրի գործողության ժամկետը երկարաձգվել է մինչև 2044թ.:
Հետևեք մեզ Viber-ում
