Իրանը 36 տարում առաջին անգամ կհրաժարվի բենզինի ներկրումից

Իրանը 2017 թվականին 36 տարում առաջին անգամ պլանավորում է հրաժարվել բենզինի ներկրումից, հայտարարել է Իրանի National Iranian Oil Refining and Distribution Company-ի (NIORDC) գործադիր տնօրեն Աբաս Կազեմին, որի խոսքերը մեջբերում է Shana գործակալությունը։ «Այս տարին կդառնա վերջին տարին, երբ իրանական նավահանգիստներում բեռնաթափվում են բենզինի խմբաքանակներ, 2017թ. այդ ռազմավարական ապրանքի ներկրումը, որը մեծ պահանջարկ ունի, կավարտվի»,- ասել է Կազեմին։ Նրա խոսքով՝ տարեսկզբին ներկրման ծավալը կազմել է 10-12 մլն լիտր բենզին օրական, սակայն ներկայումս այդ ցուցանիշը նվազել է մինչև 4.5-5 մլն լիտր օրական։