Մոսկվայում ձերբակալվել է ավտովթարի հետևանքով կանգառում 12 մարդու վրաերթի ենթարկած հայ վարորդը (տեսանյութ)

Ինչպես երեկ հայտնել էինք՝ Մոսկվայում տեղի է ունեցել 2 մարդատար ավտոմեքենաների բախում (տաքսի Skoda և մարդատար ավտոմեքենա Skoda մակնիշի)` հասարակական տրանսպորտի կանգառի վրա տաքսի ավտոմեքենայի հետագա վրաերթով: Տեղի Էնտուզիաստների խճուղու թիվ 7 շենքի մոտակայքում տեղի ունեցած վրաերթի հետևանքով տուժել է 12 մարդ, որոնցից Մոսկվայի տարբեր կլինիկաներ հոսպիտալացվել են 11-­ը, նրանցից 2-­ը` ծանր վիճակում են: Տաքսու վարորդը ՀՀ քաղաքացի է, 1986թ. ծնված, բնակվում է ք.Մոսկվայում, գրանցված է ՀՀ­-ում: Մոսկվա է ժամանել մոտ 3 ամիս առաջ: Վարորդը ձերբակալված է 48 ժամով: