Վիգեն Սարգսյանի «երջանկությունը»

Ազգային ժողովում քննարկվում է ՀՀ պաշտպանության ժամանակ զինծառայողների կյանքին կամ առողջությանը պատճառված վնասների հատուցման մասին, զինծառայողների և նրանց ընտանիքի անդամների սոցիալական ապահովության մասին ՀՀ օրենքում լրացումներ և փոփոխություններ կատարելու մասին, պետական կենսաթոշակների մասին ՀՀ օրենքում լրացումներ կատարելու մասին ՀՀ օրենքների նախագծերի փաթեթը։ Պաշտպանության նախարար Վիգեն Սարգսյանին ՀԱԿ խմբակցության պատգամավոր Հրանտ Բագրատյանը հարցրեց, թե որն է տարբերությունը հիմնադրամի ու ներդրումային ֆոնդի միջև: «Ասում եք սա նպաստ չէ, ապահովագրություն է, ուրեմն ցույց տվեք ապահովագրական ռիկսը: Եթե ռիկս չկա, ի՞նչ կարիք կա հիմնադրամ ստեղծելու, ԿԲ-ին ներգրավելու, ապարատ ստեղծելու, իսկ եթե փողն ազատ է՝ ինչ իմաստ ունի այն արտասահմանում արժեթղթերի մեջ ներդնելու: Նշեք հարկի ու պարտադիր վճարի տարբերությունը: Զինվորը ինչո՞ւ աշխատավարձ չի ստանում, ինչո՞ւ չենք մտահոգվում կենդանի զինվորների մասին, ողջերի մասին, դա էլ է կարևոր»,-հարցրեց Բագրատյանը: Վիգեն Սարգսյանն ի պատասխան ասաց, թե ժամկետային զինծառայողի համար ունեն նվազագույն վճար որը փոխհատուցում է պարենային ու տրանսպորտային խնդիրները: Նախարարի խոսքով, դա իհարկե փոքր գումար է, քան այն, ինչը կցանկանար ինքը որպես նախարար: Սակայն եթե պատգամավորը կարող է որոնել ժամկետային զինծառայողին միջին աշխատավարձ տալու աղբյուրները, ապա Վիգեն Սարգսյանը միայն երջանիկ կլիներ: Ինչ վերաբերում է հիմնադրամի ու ներդրումային ֆոնդի միջև տարբերությանը, Վիգեն Սարգսյանի խոսքով ներդրումային ֆոնդն ունի այլ խնդիրներ, հիմնարդամը՝ այլ, դա չի նշանակում, որ հիմնադրամը չի կարող արժեթղթերի մեջ ներդրումներ չունենալ: 1000 դրամը նպաստ չէ, որովհետև ըստ նախարարի, նպաստը ենթադրում է սոցիալական բաղադրիչ, մինչդեռ վճարում են այն զինծառայողի համար, ով գնացել է առաջնագիծ ու զոհվել է թշնամու գնդակից: Հրանտ Բագրատյանը առաջարկեց անգամ վաճառելով Դիլիջանում գտնվող 44 միլիոն դոլարանոց կենտրոնը վաճառել ու դնել ֆոնդում՝ առաջին երկու տարվա համար: Նախարարի խոսքով՝ ֆոնդում ամեն տարի կհավաքվի նվազագույնը 4,5 միլիարդ դրամ: «Շատ դիմումներ կան, որ մարդիկ պահանջում են իրենց աշխատավարձից ավելի շատ պահել, ինչը վստահություն է տալիս մեզ, որ ճիշտ ճանապարհի վրա ենք»,- ասաց նախարարը: Փայլակ Ֆահրադյան