ԱՄՆ-ի իսկական առաջին տիկինը կլինի Թրամփի դուստրը

Ուկրաինական segodnya.ua կայքը գրում է, որ ԱՄՆ նորընտիր նախագահ Դոնալդ Թրամփի դուստրը՝ Իվանկա Թրամփը, մեծ ազդեցություն ունի իր հոր վրա: Ինչպես նշվում է՝ 35-ամյա Իվանկա Թրամփը, այլ ոչ թե Դոնալդ Թրամփի կին Մելանիան փաստացի կստանձնի երկրի առաջին տիկնոջ դերը: Իվանկա Թրամփը ակտիվորեն աջակցել է հորը նախագահական ընտրությունների քարոզարշավի ամբողջ ընթացքում: Իվանկան անգամ օգնում էր բարձրացնել հոր հեղինակությունը կին ընտրողների շրջանում: Հաջողակ կին- գործարարը օգնում է նաև իր կրտսեր եղբայրներին ղեկավարելու հոր՝ Trump Organization կազմակերպությունն ու Trump Hotels հյուրանոցային ցանցը: