«Մենք չենք ցանկանում ինչ-որ բան գնել Ռուսաստանում, մենք գալիս ենք ներդրումներով». Genoil
Կանադական նավթարդյունահանող Genoil ընկերությունը և «Грознефть»-ը Ռուսաստանում մինչև 50 միլիարդ դոլար արժողությամբ նավթի արդյունահանման և մշակման հետ կապված նախագծերին վերաբերող մտադրությունների մասին համաձայնագիր են կնքել: Այդ մասին հայտնում է «Վեդոմոստի»-ն՝ վկայակոչելով Genoil-ի տվյալները: Նշվում է, որ Genoil-ը պատրաստվում է չեչենական նախագծերում ներդնել մինչև 15 միլիարդ դոլար: «Մենք չենք ցանկանում ինչ-որ բան գնել Ռուսաստանում, մենք գալիս ենք ներդրումներով»,- ասել է ընկերության ներկայացուցիչը: Միևնույն ժամանակ, Ռուսաստանի տնտեսական զարգացման նախարարությունում հայտնել են, որ չեն ստացել այդ առնչությամբ որևէ փաստաթուղթ: Ինչպես պատմել է «Грознефть»-ի տնօրենների խորհրդի նախագահ Անդրեյ Գուսակը, առաջին հերթին գումարները ներդրվելու են հանքավայրերի զարգացման մեջ, որպեսզի «ստեղծվի երեք-վեց միլիոն տոննա նավթ հզորությամբ նավթամշակման համալիր»: Նրա խոսքով՝ արտադրության համար հարթակն արդեն ընտրվել է:
Հետևեք մեզ Viber-ում
