Կոչ՝ Մոսկվայի բնակիչներին

Մոսկվայի իշխանությունները կոչ են արել քաղաքի բնակիչներին դուրս չգալ փողոց առանց խիստ անհրաժեշտության, քանի որ կա ուժեղ սառցակալման վտանգ. այս մասին հայտնում է ТАСС-ը: «Մենք կոչ ենք անում մոսկվացիներին խիստ ուշադիր լինել քաղաքում տեղաշարժվելիս, առանց խիստ անհրաժեշտության կոչ ենք անում դուրս չգալ քաղաք, քանի որ անոմալ եղանակի պատճառով հնարավոր է ուժեղ սառցակալում»,- հայտարարել է Մոսկվայի քաղաքապետի տեղակալ Պյոտր Բիրյուկովը: Նա նշել է, որ օդի ջերմաստիճանը նոյեմբերի 11-ի լույս 12-ի գիշերը կիջնի մինչև -5°C և հայտնել է, որ նոյեմբերի 12-ի երեկոյան ձյան շերտը 7 սանտիմետրից հասած կլինի 14 սանտիմետրի: