Շտայնմայեր. «Ցանկանում ենք լավ հարաբերություններ ունենալ Թուրքիայի հետ, սակայն...»
Ինչպես հաղորդում է գերմանական Deutsche Welle-ն, Գերմանիայի արտաքին գործերի նախարար Ֆրանկ-Վալտեր Շտայնմայերը նոյեմբերի 15-ին կայցելի Թուրքիա:Այցից առաջ Բունդեսթագում ունեցած ելույթի ժամանակ Շտայնմայերն ասել է, որ ներկայում Թուրքիան գտնվում է ճամփաբաժանի վրա` կամ շարունակելու է ճանապարհը դեպի Եվրոպա, կամ այդ ճանապարհից հեռանալու է: Գերմանիայի արտգործնախարարը տարածաշրջանային բախումների համատեքստում կարևորել է Թուրքիայի հետ հարաբերությունների պահպանումն` ընդգծելով, որ տնտեսական ու անվտանգության նկատառումներից ելնելով՝ դա անհրաժեշտ է նաև պաշտոնական Անկարային: «Միայն Թուրքիայի վրա է պատասխանատվությունը, թե երկիրը որ ուղով կընթանա: Մենք ցանկանում ենք լավ հարաբերություններ ունենալ Թուրքիայի հետ, սակայն իրադրություն է փոխվել: Այդ պատճառով մենք պետք է վերանայենք մեր քաղաքականությունը: Թուրքիայում մահապատժի վերականգնումը կդառնա Եվրամիությանն անդամակցելու ուղղությամբ այդ երկրի հետ տարվող բանակցային գործընթացի վերջը»,- ասել է նա:
Հետևեք մեզ Viber-ում
