Ռուսական օդուժը Սիրիայում ահաբեկիչների 1300 օբյեկտ է ոչնչացրել

Ռուսական ինքնաթիռները Սիրիայում մեկ շաբաթում իրականացրել են 468 մարտական թռիչք ու այդ ընթացքում ոչնչացրել ահաբեկիչների 1300 օբյեկտներ. ինչպես տեղեկացնում է РИА Новости գործակալությունը, այդ մասին ասված է ՌԴ պաշտպանության նախարարության ներկայացուցիչ Իգոր Կոնաշենկովի հաղորդագրության մեջ։ «Անցյալ շաբաթվա ընթացքում ռուսական ռազմական ինքնաթիռները Սիրիայի Արաբական Հանրապետությունում իրականացրել են 468 մարտական թռիչք։ Դրանցից 24-ը ռուսական տարածքից իրականացրել են Ту-22м3 հեռահար ռմբակոծիչները»,- ասել է նա։ Նրանց խոսքով՝ մարտական թռիչքների ընթացքում Հալեպ, Լաթաքիա, Հոմս, Համա, Դամասկոս, Ռաքքա, Դարաա և Դեյր էզ-Զոր նահանգներում խոցվել է ահաբեկիչների 1354 ենթակառուցվածքային օբյեկտ։ «Հեռահար ավիացիայի ռմբակոծիչներն աջակցություն են ցուցաբերել սիրիական կառավարական զորքերի ստորաբաժանումներին՝ Դեյր էզ-Զոր քաղաքում։ Ավիահարվածները, որոնք Ту-22м3 ինքնաթիռները հասցրել են ՌԴ տարածքից՝ օպերատիվ-տակտիկական ավիացիայի ինքնաթիռների հետ համատեղ, խոցել են ահաբեկիչների 23 կարևոր թիրախներ»,-ասել է Կոնաշենկովը։