Իրանի պահանջը՝ Թրամփից
Իրանի խորհրդարանի ազգային անվտանգության և արտաքին քաղաքականության հարցերով հանձնաժողովի նախագահ Ալաեդին Բորուջերդին հայտարարել է, որ ԱՄՆ նորընտիր նախագահ Դոնալդ Թրամփից ակնկալում է հարգել իրանական միջուկային ծրագրի վերաբերյալ համաձայնագիրը, գրում է «ՌԻԱ Նովոստի»-ն: «Տարբերություն կա քարոզարշավի ժամանակ Թրամփի և արդեն որպես ԱՄՆ նախագահ Թրամփի միջև, մենք սպասման մեջ ենք, թե ինչպիսին է լինելու Թրամփի քաղաքականությունը տարածաշրջանի և իսլամական աշխարհի նկատմամբ»,- ասել է Բորուջերդին: «Ամերիկյան կառավարությունը խոստացել է կատարել միջուկային համաձայնագիրը, և բնական կլինի, որ նոր նախագահը հարգի միջազգային որոշումները»,- հավելել է խորհրդարանականը:
Հետևեք մեզ Viber-ում
