Թրամփի հաղթանակի տնտեսական հետևանքը
Blօօmberg-ը հաղորդում է ,որ համաշխարհային շուկաներում քաոս է տիրում ԱՄՆ նախագահական ընտրություններում հանրապետական թեկնածու Դոնալդ Թրամփի հաղթանակի մասին տեղեկատվությունից հետո:Ինչպես հայտնի է, ԱՄՆ նախագահական ընտրություններում ֆավորիտ էր դեմոկրատ թեկնածու Հիլարի Քլինթոնը և նման ելք գրեթե ոչ մեկ չէր սպասում։ Թրամփի հաղթանակից հետո S&P 500-ի ֆոնդային ինդեքսը նվազել է 5%-ով՝ հասնելով նվազագույնի։ Ինչպես նշում են փորձագետները, նման ցուցանիշներ վերջին անգամ գրանցվել էին այն բանից հետո, երբ Մեծ Բրիտանիան հայտարարեց ԵՄ կազմից դուրս գալու մասին։ «Նման հաղթանակը, ինչպես ակնկալվում է, կվնասի առևտրին։ Թրեյդերները մտավախություններ ունեն, որ դոլարը կարժեզրկվի, ինչը կարող է բացասական հետևանքներ ունենալ եվրոպական ընկերությունների համար»,-հայտարարել է ETF Securities բրիտանական ներդրումային ընկերության հետազոտությունների և ներդրումների բաժնի ղեկավար Ջեյմս Բաթերֆիլը։ ԱՄՆ նախագահական ընտրությունները փլուզել է նաև ասիական բորսաները, Nikkei ճապոնական ինդեքսն ընկել Է 4%-ով։ Եվրոն դոլարի նկատմամբ ամրապնդվել Է ավելի քան 2%-ով ՝ մինչեւ 1,12 դոլար, իսկ ֆունտը՝ ավելի քան 1 %-ով: Դոլարն ավելի քան 3%-ով Էժանացել Է ճապոնական իենի եւ ավելի քան 2%-ով ՝ շվեյցարական ֆրանկի նկատմամբ:
Հետևեք մեզ Viber-ում
