Իրանի կարիքը չեն զգում
Թուրքական Doğan լրատվական գործակալության փոխանցմամբ՝ Թուրքիան արձագանքել է Իրանի այն առաջարկին, որն առնչվել է միմյանց հետ լարված հարաբերություններ ունեցող Իրաքի ու Թուրքիայի միջև հարաբերությունների կարգավորման համար Իրանի միջնորդական առաքելություն իրականացնելու պատրաստ լինելուն։ Թեհրանում Թուրքիայի դեսպան Ռըզա Հաքան Թեքինը հայտարարել է, որ Թուրքիան Բաղդադի հետ շփվելու համար չի զգում որևէ երրորդ երկրի միջնորդության կարիք. «Թուրքիան դեմ չէ, որ Իրանը ներդրում ունենա տարածաշրջանի կայունության գործընթացում, սակայն դարերով համատեղ ապրած երկու ժողովուրդները չեն զգում միջնորդի կարիք։
Իրաքը Իրանի նման մեր հարևան երկիր է, և Իրաքի հետ մեր հարաբերությունները շարունակվում են՝ չնայած վերապրած խնդիրներին։ Իրաքի հետ շփվելու համար չունենք որևէ խնդիր։ Նույնը Թուրքիայի հետ շփվելու առումով վերաբերում է Իրաքին»։
Հետևեք մեզ Viber-ում
