Քլինթոնն առաջին ընտրատեղամասում հաղթել է

Gazeta.ru-ն` հղում անելով Boston Globe-ին հայտնում է,որ  ԱՄՆ-ի Նյու Հեմփշիր նահանգի Դիսքվիլ Նոթչ փոքրիկ գյուղում կեսգիշերին ավանդույթի համաձայն բացվել է առաջին ընտրատեղամասը,  բնակավայրի բնակիչների մեծ մասը քվեարկել է Դեմոկրատ թեկնածու Հիլարի Քլինթոնի օգտին։ Քվեարկությունն ավարտվել է տեղի ժամանակով ժամը 0։01-ին։ Գյուղի 4 բնակիչներ իրենց ձայնը տվել են Քլինթոնին, իսկ հանրապետական թեկնածու Դոնալդ Թրամփը ստացել է 2 ձայն։ Գերի Ջոնսոնը ստացել է 1 ձայն, իսկ 2012թ․ Բարաք Օբամայի մրցակից Միթ Ռոմնին, չնայած չի մասնակցում նախագահական ընտրություններին և ներկայացված չէ թեկնածուների ցուցակում, ևս ստացել է 1 ձայն։ Կեսգիշերին քվեարկելու սովորությունը սկիզբ է առել 1960 թվականին, երբ գյուղն իրավունք է ստացել ընտրել անսովոր ժամի։