Մոսուլում գլխատված մարմիններով գերեզման են հայտնաբերել

BBC-ի ռուսական ծառայությունը՝ հղում անելով Իրաքի բանակին հայտնում է,որ  իրաքցի զինվորականները Մոսուլի արվարձաններից մեկում հայտնաբերել են զանգվածային հուղարկավորման վայր, որտեղ կան մոտ 100 գլխատված մարմիններ: Մարմիններով գերեզմանը հայտնաբերվել է Համամ ալ-Ալի քաղաքի դպրոցներից մեկի տարածքում,յդ քաղաքը հանդիսանում է հարավային կողմից դեպի Մոսուլ ճանապարհին ընկած վերջին բնակավայրը։ Անցած շաբաթվա վերջին մարդու իրավունքների հարցերով ՄԱԿ-ի գերագույն հանձնակատարի վարչությունը հայտնել էր, որ գրոհայինները հաշվեհարդար են տեսել Մոսուլի հարյուրավոր խաղաղ բնակիչների հետ։ Հաղորդվել էր նաև, որ նրանք հարկադիր իրենց շարքերն են հավաքագրում մինչև 10 տարեկան տղաներին։