Կարեն Կարապետյանը միակ մարդն էր, որը նման ռիսկի գնաց

«Հրապարակ»-ը գրել է.

«Սյունիք, ապա Ղարաբաղ մեկնած վարչապետը կանգ է առել Գորիսում և հանդիպում-զրույց ունեցել գորիսեցիների հետ։ Մենք տեղեկացանք, որ այդ հանդիպմանը ներկա է եղել նաև Սդղի գյոլում նախկին մարզպետի՝ Սուրիկ Խաչատրյանի մերձավորների կողմից դաժան ծեծի ենթարկված Զաքարյան եղբայրների մայրը՝ տիկին Անահիտը, որը վարչապետին շնորհակալություն է հայտնել «մարզը Լիսկայից ազատելու համար»՝ հայտարարելով, որ Կարեն Կարապետյանը միակ մարդն էր, որը նման ռիսկի գնաց։

Երեկ մեր լրագրողի հետ զրույցում Զաքարյանների հայրը՝  Գագիկ Զաքարյանն ասել է, որ ինքը ներկա չի եղել հանդիպմանը, որն «անսպասելի» է եղել, ներկա է եղել իր կինը, որը «մի քանի շնորհակալական խոսք է ասել»։ Ժողովուրդն ակնկալիքներ ունի նոր վարչապետից՝ դա կլինի «լիսկաներից» ազատագրում, գազի գնի իջեցում, թե նպաստ-թոշակների բարձրացում»։

Մանրամասները ՝ թերթի այսօրվա համարում: