Նոր նախարարը կվերականգնի
Վրաստանի պաշտպանության նախարար Լևան Իզորիան հայտարարել է, որ Վրաստանում կվերականգնվի պարտադիր զինծառայությունը: «ՌԻԱ Նովոստի»-ի հաղորդմամբ՝ այն կիրականացվի նոր կարգով՝ զորակոչիկները կանցնեն ամբողջական նախնական պատրաստություն, նրանց ամենամսյա պարգևատրումը կհասնի 50 լարիի (մոտ 20 դոլար) «Նպատակահարմար ենք համարում պարտադիր զորակոչի վերականգնումը, զորակոչիկները կանցնեն ամբողջական նախնական պատրաստություն, նրանց նաև հնարավորություն կընձեռվի օգտվել ոչ աշխատանքային օրերից»,- հայտարարել է Իզորիան: Նշենք, որ անցած ամառ պաշտպանության նախկին նախարար Թինա Խիդաշելին վերացրել էր պարտադիր զորակոչը:
Հետևեք մեզ Viber-ում
