Նորից Սինգապուր են ուզում

Անդրադառնալով հարցին, թե կարո՞ղ է Հայաստանը տեղեկատվական տեխնոլոգիաների զարգացման շնորհիվ դառնալ «կովկասյան Սինգապուր», «Ձեռնարկությունների ինկուբատոր հիմնադրամի» տնօրեն Բագրատ Ենգիբարյանը հայտարարեց.«Հայաստանն ապացուցեց, եւ դա արդեն փաստ է, որ այստեղ կարող են ստեղծվել հավելյալ արժեքով նորարարական կոմպոնենտներ: Դա շատ կարեւոր է, դա մեր երկրի ներուժն է: Հայկական կազմակերպությունները երեւացին աշխարհի քարտեզի վրա: Եթե այցելեք «Սիլիկոնյան հովիտ», ոչ թե կհարցնեն, թե Հայաստանը որտեղ է, այլ կասեն՝ այդ ի՞նչ եք անում, որ ամբողջ աշխարհը ձեր մասին է խոսում»: «Որպեսզի դառնա, ավելի շատ պետք է աշխատենք: Մեզ նկատել են, մեզ գնահատում են: Որպեսզի իրենց «բարի գալուստ» ասենք, պետք է համապատասխան միջավայրում մրցակցենք:ՀՀ ղեկավարությունը ցանկացած միջազգային հանդիպման ժամանակ պետք է շեշտի, որ Հայաստանը տեխնոլոգիական նորարարությունների զարգացման ոլորտում ունի տարածաշրջանային հավակնություններ: Հիշեցնենք՝ հոկտեմբերին կայացած Եվրասիական գործընկերության միջազգային համաժողովի ժամանակ ԱՄՆ-ից ժամանած քաղաքագետ Դմիտրի Ռոդնիչեւսկին կարծիք էր հայտնել, որ Հայաստանը կարող է դառնալ «կովկասյան Սինգապուր»  »,- հավելեց նա: