«ԱՄՆ-ն ահաբեկիչների միջոցով խաղում է սիրիական ասպարեզում». Ասադ

Սիրիայի նախագահ Բաշար Ասադը սերբական թերթին տված հարցազրույցում հայտարարել է, որ Ռուսաստանը և ԱՄՆ-ն դեռևս չեն կարող համաձայնության գալ Սիրիայում և ահաբեկչության դեմ պայքարում չեն կարող լինել դաշնակիցներ: «Մենք հույս ունենք, որ այդպես է, բայց իրականում դա անհնար է: Մի պարզ պատճառով` ռուսները կառուցում են իրենց քաղաքականությունը արժանապատվությամբ` իրենց շահերից ելնելով»,- ասել է նա: Ըստ նրա` այդ արժանապատվությունը արտահայտվում է միջազգային իրավունքի պահպանմամբ և Ռուսաստանի` ահաբեկչության դեմ պայքարով: Միևնույն ժամանակ Ասադը նշել է, որ ԱՄՆ-ի և նրա դաշնակիցների համար ահաբեկիչները և ահաբեկչությունն առհասարակ իրենցից ներկայացնում են մի քարտեզ, որի միջոցով նրանք ցանկանում են խաղալ սիրիական ասպարեզում: