Հալեպում գրոհայինները գնդակոծում են քրիստոնեական թաղամասը
Զինված ընդդիմությունն այսօր դարձյալ գրոհել է Հալեպի արևմտյան շրջանները, որոնք գտնվում են Սիրիայի կառավարական զորքերի վերահսկողության տակ, հայտնում է «Ալ-Մայադին» հեռուստաալիքը։ Նշվում է, որ զինված խմբավորումը փորձել է ճեղքել առաջնագիծը, որը անցնում է Էլ-Մանսուր, Մինյան, Դախիյաթ-էլ-Ասադ շրջաններով, սակայն հետ է մղվել։ Թեժ մարտեր են ընթացել Հաֆեզ Ասադի անվան ռազմական ակադեմիայի մերձակայքում, որը կառավարական ուժերի հիմնական ֆորպոստն է։ Սիրիացի զինծառայողները կարողացել են հետ մղել մի քանի մահապարտ ահաբեկչի գրոհները։ Սիրիայի ԶՈւ հրամանատարությունը հերքել է տեղեկությունները, թե զինյալները ներթափանցել են Հալեպի արևմուտքում գտնվող քրիստոնեական Ջդեյդա թաղամաս «Տեղեկություններն այն մասին, որ զինված խմբավորումներն իբրև կարողացել են ներթափանցել այդ շրջան, չեն համապատասխանում իրականությանը»,- ասել է նա։ «Ալ-Մայադին» հեռուստաալիքի տեղեկություններով՝ զինված խմբավորումների ինտենսիվ գնդակոծությունները ականանետներից, ուղղված Էլ-Ֆարկան, Ջդեյդա, Ջամիյաթ-էզ-Զախրա շրջաններին, հանգեցրել են 3 խաղաղ բնակչի մահվան, ևս 45 մարդ վիրավորվել է։
Հետևեք մեզ Viber-ում
