Արսեն Ջուլֆալակյանը եւ Մաքսիմ Մանուկյանը դարձել են Իրանի ակումբային չեմպիոն

Հայաստանի հավաքականի 4 ըմբիշներ հաջող են հանդես եկել հունահռոմեական ոճի ըմբշամարտի Իրանի ակումբային առաջնության երկրորդ փուլում: Արսեն Ջուլֆալակյանը (75 կգ) եւ Մաքսիմ Մանուկյանը (85 կգ) Իրանի չեմպիոն են հռչակվել «Մի Մերազինա» ակումբի կազմում, իսկ Ռոման Ամոյանը (59 կգ) եւ Վարշամ Բորանյանը (71 կգ) «Սինեն Սանթի» ակումբի հետ դարձել են արծաթե մեդալակիր: Ջուլֆալակյանը եւ Մանուկյանը հաղթել են իրենց բոլոր՝ 4 գոտեմարտերում: Ամոյանը եւ Բորանյանն անցկացրել են 3-ական գոտեմարտ՝ տանելով 2-ական հաղթանակ: Եզրափակիչում «Մի Մերազինան» 7:1 հաշվով հաղթել է «Սինեն Սանթիին»: Առաջին եւ երկրորդ տեղ գրաված թիմերը նվաճել են դեկտեմբերի 8-9-ը Բուդապեշտում կայանալիք աշխարհի գավաթի երրորդ խաղարկության ուղեգիր, փոխանցում են Հայաստանի ըմբշամարտի ֆեդերացիայից: