Հաշտեցման տարբերակներ՝ Սիրիայում
Սիրիական կառավարությունը պատրաստ է վերսկսել բանակցություններն ընդդիմության հետ: Այդ մասին հայտարարել է Սիրիայի նախագահ Բաշար Ասադի խորհրդական Բուսեյն Շաաբանը: «Մենք լիովին պատրաստ ենք այդ բանակցություններին՝ նախապայմանով, որ սիրիական ընդդիմությունը ևս պատրաստակամություն հայտնի: Ավելին, մենք այժմ շարժվում ենք շատ կարևոր` Սիրիայում ազգային հաշտեցման ուղղությամբ»,- «Ռոսիա 24»-ի հետ զրույցում ասել է Շաաբանը: Նա ավելացրել է, որ սիրիական կառավարությունն արդեն հասել է շատ կարևոր հաջողությունների: «Շատերը զենքերը վայր են դնում, միանում են սիրիական կառավարությանը` նպատակ ունենալով վերականգնել մեր երկիրը»,- ավելացրել է խորհրդականը:
«Մենք ձգտում ենք հասնել հրադադարի այնտեղ, որտեղ դա հնարավոր է, մենք բաց ենք քաղաքական գործընթացի համար, երբ ՄԱԿ-ը և մյուս կողմը պատրաստ լինի»,- ասել է Շաաբանը:
Հետևեք մեզ Viber-ում
