ՀՀ առողջապահության նախարարության Հիվանդությունների վերահսկման և կանխարգելման ազգային կենտրոնի գլխավոր տնօրեն Արտավազդ Վանյանը լրագրողների հետ հանդիպման ընթացքում ներկայացնելով գրիպի և սուր շնչառական վարակների իրավիճակը՝ ասաց, թե այսօրվա դրությամբ կարելի է ասել, որ բավական լուրջ հաջողություններ կան գրանցված:
«Բնակչության շրջանում իրազեկվածության բարձրացման արդյունքում այսօր հանրապետությունում նկատվում է ստացիոնար կազմակերպություններ սուր շնչառական վարակներով և թոքաբորբերով հոսպիտալացման կայուն իրավիճակ, իսկ ամբուլատոր պոլիկլինիկական կազմակերպություններ դիմելիության և շտապբուժօգնության կանչերի նկատելի նվազում»,-հայտարարեց Արտավազդ Վանյանը:
Արտավազդ Վանյանի խոսքով՝ հղիների շրջանում ստացիոնար դիմելիությունը նվազել է շուրջ 60%-ով, 46%-ով նվազել է նաև վերակենդանացման բաժանմունքներում բուժում ստացող հիվանդների թիվը: Բայց այս ամենն, Վանյանի խոսքերով, չի նշանակում, թե գրիպը նահանջել է և պետք է թուլացնել զգոնությունը:
«Դպրոցներում և նախադպրոցական հաստատություններում լինելու է համաճարակային ֆիլտր: Այն երեխաները, ում մոտ գրիպի թեթև նախանշաններ կլինեն, նրանք կմեկուսացվեն»,-ասաց Վանյանը՝ հավելելով, որ ուսումնական հաստատություններում այսօրվանից սկսած համապատասխան աշխատանքներ են իրականացվելու, որպեսզի դասերն սկսվելուն պես նորմալ ջերմաստիճան լինի: Վանյանը խորհուրդ է տալիս խուսափել կուտակումներից, այդ իսկ պատճառով հնարավոր է, որ դպրոցներում առաջիկա շրջանում բուֆետները չաշխատեն:
«ԶԼՄ-ների միջոցով հնարավորություն եղավ հասարակության զգոնությունը բարձրացնել: Մենք զերծ մնացինք բարդացած դեպքերից և այսօր կարող ենք արձանագրել, որ ունենք հազարավոր փրկված կյանքեր: Առողջապահության նախարարությունը լիարժեք պատրաստված էր գրիպի դեմ»,- ընդգծեց Վանյանը:
«Մեր առաջարկով երեք շաբաթ չբացվեցին դպրոցներն ու նախադպրոցական կառույցները, մենք այսօր դրա արդյունքն ունենք արձանագրված»,- ընդգծեց նա` նշելով, որ դպրոցների և նախադպրոցական կառույցների բացումն ամեն դեպքում ռիսկային է:
«Հիմա հետաձգելու առաջարկով հանդես չենք գալիս, բայց սա բավականին ռիսկային է: Առողջապահության նախարարը խորհրդակցություն է հրավիրել ոլորտի համապատասխան ներկայացուցիչների հետ: Նրանց հետ համատեղ աշխատանք պետք է տանենք, որ վերաբացումից հետո երկրորդ ալիք չունենանք: Պետք է պահպանեն համապաստախան ջերմային ռեժիմը: Այսօրվանից արդեն սկսվել է ջերմային մոնիթորինգը դպրոցներում»,- փաստեց մասնագետը:
Աստղիկ Ավագյան
Հունիսի 10-ին՝ ժամը 14։00-ին, Հայելի ակումբի հյուրն է Լևոն Զուրաբյանը
Հունիսի 10-ին՝ ժամը 12։00-ին, Հայելի ակումբի հյուրն է Գյուլնարա Ալեքսանյանը
Հունիսի 9-ին՝ ժամը 16։00-ին, Հայելի ակումբի հյուրն է Սուրեն Սուրենյանցը
Հունիսի 9-ին՝ ժամը 10։30-ին, Հայելի ակումբի հյուրն է Հովհաննես Իշխանյանը
Հունիսի 5-ին՝ ժամը 16։30-ին, Հայելի ակումբի հյուրն է Հովհաննես Շահինյանը
Հունիսի 5-ին՝ ժամը 13։30-ին, Հայելի ակումբի հյուրն է Հայկ Նահապետյանը
Հունիսի 5-ին՝ ժամը 12։30-ին, Հայելի ակումբի հյուրն է ՀԱԿ անդամ Լևոն Զուրաբյանը
Հունիսի 5-ին՝ ժամը 11։30-ին, Հայելի ակումբի հյուրն է Արա Վարդանյանը
Հունիսի 5-ին՝ ժամը 10։30-ին, Հայելի ակումբի հյուրն է Արամ Գասպարի Սարգսյանը
Հունիսի 4-ին՝ ժամը 15։00-ին, Հայելի ակումբի հյուրն է Ռուզաննա Ստեփանյանը
Հետևեք մեզ Viber-ում
