Վրաստանում 168 կալանավոր ազատ են արձակվել
Վրաստանի նախագահ Գեորգի Մարգվելաշվիլին հինգշաբթի ներում է շնորհել 168 կալանավորի, որոնցից վեցը կին է, այս մասին ճեպազրույցում հայտնել է համաներման հանձնաժողովի նախագահ Զվիադ Քորիձեն, փոխանցում է Sputnik-Georgia-ն: Պետության ղեկավարը համաներման համապատասխան փաստաթուղթ Է հրատարակել, որն արդեն ուղարկված է պատիժների իրագործման և պրոբացիայի նախարարություն: «Այսօր իսկ բանտից կազատվի 114 դատապարտյալ, որոնցից չորսը կին է: Մնացած 54 դատապարտյալի նկատմամբ պատիժը մեղմացվել է տարբեր ձևերով»,- ասել Է Քորիձեն: Համաներման հանձնաժողովը քննել է ընդամենը 1095 գործ, ինչից հետո համապատասխան առաջարկ է ներկայացրել նախագահին, նշել է նա:
Հետևեք մեզ Viber-ում
