ՌԴ-ն Հալեպում հումանիտար դադարը երկարաձգում է

«ՌԻԱ Նովոստի»–ն փոխանցում է , որ ՌԴ Գլխավոր շտաբի գլխավոր օպերատիվ վարչության պետ գեներալ–լեյտենանտ Սերգեյ Ռուդսկոյը  հայտարարել է,որ Ռուսաստանը Հալեպում հումանիտար դադարը եւս մեկ օրով երկարաձգում է, «Այսպես կոչված չափավոր ընդդիմության ձեւավորումը խոչընդոտում է Հալեպի շրջանում իրավիճակի կարգավորմանը։ Չնայած դրան՝ ՄԱԿ եւ այլ միջազգային կառույցների ներկայացուցիչների դիմումով Ռուսաստանի գլխավոր գերագույն հրամանատար Վլադիմիր Պուտինի հանձնարարությամբ որոշում է կայացվել եւս մեկ օրով երկարաձգել հումանիտար դադարը:Ռուսաստանը հույս ունի, որ բոլոր շահագրգիռ կողմերն իրենց ազդեցությունը կունենան գրոհայինների վրա արեւելյան Հալեպի խաղաղ բնակիչներին փրկելու համար, որոնք փաստացի ահաբեկիչների մոտ պատանդ են  գտնվում»,– ասել է նա։ Հալեպից դուրս գալու համար գործում է 8 միջանցք, որից 6-ը՝ խաղաղ բնակիչների, 2-ը՝ գրոհայինների համար։