Քլինթոնի եւ Թրամփի վերջին բանավեճն ուղիղ եթերում դիտել են գրեթե 72 մլն հեռուստադիտողներ

Հոկտեմբերի 19-ին Լաս Վեգասում (Նեւադայի նահանգ) ԱՄՆ-ի նախագահի թեկնածուներ Հիլարի Քլինթոնի եւ Դոնալդ Թրամփի երրորդ հեռուստաբանավեճը դիտել են շուրջ 71,6 մլն հեռուստադիտողներ: Այդ մասին, ինչպես տեղեկացնում Է«Արմենպրես»-ը, վկայում են Nielsen հետազոտական ծառայության կողմից տարածված տվյալները: Այդպիսով, բանավեճերի երրորդ փուլի լսարանի թվաքանակը գերազանցել Է երկրորդ փուլի համանման ցուցանիշը, որը հոկտեմբերի 9-ին կայացել Է Միսուրիի նահանգում, որին ուղիղ եթերում հետեւել Է 66,5 մլն մարդ: Դրա հետ մեկտեղ, թեկնածուների մենամարտը, այնուամենայնիվ, չի կարողացել հեռուստադիտողների թվով գերազանցել առաջին հեռուստաբանավեճի ցուցանիշը, որը սեպտեմբերի 26-ին տեղի է ունեցել Նյու Յորքի նահանգում: Այն դիտել էր 84 մլն մարդ, ինչն այդօրինակ միջոցառումների ռեկորդ է դարձել: Ինչպես նշել են Nielsen-ում, Լաս Վեգասում Քլինթոնի եւ Թրամփի բանավեճը թվաքանակով երրորդ լսարանն Է հավաքել ԱՄՆ-ի նախագահի թեկնածուների միջեւ հեռուստաբանավեճերի անցկացման պատմության մեջ: Վարկանիշի երկրորդ տեղն զբաղեցնում են Ջիմի Քարթերի եւ Ռոնալդ Ռեյգանի միջեւ 1980 թվականին անցկացված բանավեճը, որը դիտել է շուրջ 80,6 մլն մարդ, հաղորդել է ՏԱՍՍ-ը: