Ստարտը հուսադրող էր.Արամ Մանուկյանը՝ Կարեն Կարապետյանին

Պատգամավորը առանձնացրեց նաև «մարգարիտներ» նախկին կառավարությունների  ծրագրերից, որոնք վերաբերում էին կոռուպցիայի դեմ պայքարին, ներդրումների թվի մեծացմանը, աղքատությանը ծնող պատճառների վերացմանը, ազատ, արդար ընտրությունների անցկացմանը, ապա նշեց, որ դրանցից որևէ մեկը մինչ օրս չի կատարվել ու չի էլ կատարվելու: «Ձեր կառավարությունը սա պետք է անալիզ աներ, արե՞լ եք, հետևե՞լ եք»,- հարցրեց Մանուկյանը վարչապետ Կարեն Կարապետյանին:

Նոր ծրագրում էլ, ըստ Մանուկյանի, մի շարք ավելորդություններ կան, բառերի կույտ: «Վեց ամսվա ծրագիրը չի կարա էդքան լոլո լինի: Ես կհանեի սենց ծրագիր գրողին: Ձեր ծրագրից մի քիչ կոմունիստական հոտ է գալիս նաև…»,- նշեց պատգամավորը:

Անդրադառնալով վարչապետի կարճաժամկետ ծրագրին՝ Արամ Մանուկյանը նշեց, որ ծրագրում մի շարք թերություններ կան: Պատգամավորի դիտարկմամբ՝ այն բառակույտ է: «Նման բան գրողին ես գործից կհանեի: Մի էջում 10-20 անգամ կրկնվում են աջակցել, բարելավել, լավացնել, խրախուսել և այլ բառեր: Սրանք ոչինչ չեն ասում, հատկապես, որ 6 ամսվա ծրագիր եք ներկայացնում և այն պարզապես չի կարող այսքան բառակույտերից բաղկացած լինել», - ասաց Ա. Մանուկյանը՝ ընդգծելով, որ ներկայացված ծրագրում պակասում է ամենակարևորը՝ մարդը: Ելույթի վերջում Արամ Մանուկյանը խորհուրդ տվեց վարչապետին ուշադիր լինել իր թիմի նկատմամբ, որովհետև նրա խոսքով՝ նախկին վարչապետերը ձախողվել են, քանի որ նրանց թիմակիցները կես ճանապարհին փոխել են խաղի կանոնները: