Երևանում 22-ամյա վարորդը Mitsubishi Montero-ով բախվել է էլեկտրասյանը. կա վիրավոր. ՖՈՏՈՌԵՊՈՐՏԱԺ

Այսօր՝ հոկտեմբերի 20-ին, ավտովթար է տեղի ունեցել Երևանում։ Ժամը 05։00-ի սահմաններում Երևան քաղաքի Սարյան փողոցի բնակիչ, 22-ամյա Գևորգ Մարգարյանը իր վարած Mitsubishi Montero մակնիշի 34 ՕP 102 համարանիշի ավտոմեքենայով Աբովյան-Թումանյան փողոցների խաչմերուկում բախվել է էլեկտրասյանը։ Ինչպես հայտնում է ֆոտոլրագրող Գագիկ Շամշյանը, վթարի հետևանքով Գ. Մարգարյանը մարմնական վնասվածքներով տեղափոխվել է թիվ 1 համալսարանական հիվանդանոց։ Դեպքի վայր են ժամանել Ճանապարհային ոստիկանության 1-ին սպայական գումարտակի ծառայողները։ Վթարի մասին ՃՈ օպերատիվ կառավարման կենտրոնի պատասխանատու Արշակ Գրիգորյանը տեղեկությունը փոխանցել է ոստիկանության Կենտրոնականի բաժին, որտեղից դեպքի վայր է ժամանել հետաքննչական բաժանմունքի հետաքննիչ Տ. Գևորգյանը, ում կողմից փաստի առթիվ հետաքննություն է սկսվել։ Ֆոտոլրագրողը հայտնում է՝ հարվածն այնքան ուժգին է եղել էլեկտրասյանը, որ անգամ բացվել են անվտանգության բարձիկները։ Ծանուցում. Ենթադրյալ հանցանքի մեջ կասկածվողը կամ մեղադրվողը համարվում է անմեղ, քանի դեռ նրա մեղավորությունն ապացուցված չէ ՀՀ քրեական դատավարության օրենսգրքով սահմանված կարգով` դատարանի` օրինական ուժի մեջ մտած դատավճռով: