«ԻՊ գրոհայինները իսլամի հետ կապ չունեն». Էրդողան

Թուրքիայի նախագահ Ռեջեփ Թայիփ Էրդողանը հայտարարել է, որ ինքը «Իսլամական պետություն» խմբավորման անդամներին մահմեդական չի համարում, և որ ԻՊ ահաբեկիչների նպատակը իսլամը վարկաբեկելն է: Այս մասին գրում է թուրքական «Անադոլու« գործակալությունը: «Սրանք իսլամի հետ կապ չունեն: Սրանք մահմեդական չեն, միայն մեր գեղեցիկ կրոնն են պղտորում: Սրանք կեղտոտություն են, մեզ հետ ոչ մի կապ չունեն», - հայտարարել է Էրդողանը: Թուրքական ԶՈւ-ին աջակցում են նաև «Սիրիական ազատ բանակ» ընդդիմադիր խմբավորումն ու կոալիցիոն ուժերը՝ օդային հարվածների միջոցով: Թուրքական ԶՈՒ-ն պայքարում է նաև Սիրիայի հյուսիսում գործող քրդական ազգային խմբավորումների դեմ: