Պետք չէ գերագնահատել

Առավոտը գրում է.«Ֆրանսիայի Սենատը երեկ ընդունեց Հայոց ցեղասպանության ժխտումը քրեականացնող օրինագիծը։ Օրինագիծը «Մոդուս Վիվենդի» վերլուծական կենտրոնի ղեկավար, դիվանագետ Արա Պապյանը համարում է հաջողության, բայց խորհուրդ չի տալիս այն շատ գերագնահատել։ «Որովհետև թուրքերը դեռևս պահպանում են սահմանադրական խորհրդում սա վիճարկելու հնարավորաթրւնը, մյուս կողմից Ցեղասպանության ժխտումը Շվեյցարիայում էլ կա, բայց եթե հիշում եք՝ «Փերինչեքը ընդդեմ Շվեյցարիայի» դատական գործի մեջ ասվում էր՝ երբ սահմանափակում ես արտահայտվելու, նույնիսկ ժխտելու իրավունքը, սահմանափակում ես խոսքի իրավունքը, այնպես որ՝ չգիտենք, թե այս ամենն ինչով կվերջանա։ Բացի սա, ամենակարևորը՝ կրկնելով, որ այս օրինագծի ընդունումը հաջողության Է, միաժամանակ ես կարծում եմ՝ իրական հաջողություններն այն ժամանակ կսկսվեն, երբ մենք սկսենք հատուցումներ ստանալ»,– նման կարծիքի է Արա Պապյանը»,– նման կարծիքի է Արա Պապյանը»,–գրում է թերթը։ Մանրամասները՝ թերթի այսօրվա համարում։