Մոսկվայի դեմ նոր պատժամիջոցներ՝ Հալեպի ռմբակոծության համար

Միանգամից մի քանի եվրոպական երկրի իշխանություններ դիտարկում են Մոսկվայի դեմ նոր պատժամիջոցներ սահմանելու հավանականությունը: Ինչպես փոխանցում է DW.com-ը` վկայակոչելով ամերիկյան հեղինակավոր ԶԼՄ-ները, քաղաքական ռեժիմի հավելյալ պատժամիջոցների սահմանման հիմնական պատճառներն են Ռուսաստանի գործողությունները Սիրիայում, մասնավորապես` ռմբակոծությունները Հալեպում: Խոսքն, առաջին հերթին, 12 ռուսների նկատմամբ անհատական պատժամիջոցներ սահմանելու մասին է, սակայն դեռևս պարզ չէ, թե ում դրանք կվերաբերեն: Financial Times-ը մասնավորեցնում է, որ պատժամիջոցների նախատեսվում է ենթարկել ՌԴ բանակի մի շարք բարձրաստիճան սպաների կամ ՌԴ նախագահ Վլադիմիր Պուտինի շրջապատի մարդկանց: