Ռուսաստանն ու ԱՄՆ-ը նորից կբանակցեն

Ռուսաստանն ու ԱՄՆ-ը հայտարարել են, որ պատրաստվում են վերականգնել բանակցությունները Սիրիական հակամարտության կարգավորման հարցի շուրջ: Այս մասին հաղորդում է «BBC»-ի ռուսական գործակալությունը: Բանակցություններն ու համագործակցությունը երկու երկրների միջև Սիրիայում ընդհատվել էին ինը օր առաջ Վաշինգտոնի նախաձեռնությամբ: Պատճառը երկու երկրների միջև հարաբերությունների լարվածությունն էր՝ պայմանավորված Սիրիայում կրակի ռեժիմի դադարեցման անհնարինության հետ: Հայտնի է դարձել նաև, որ ՌԴ արտգործնախարար Սերգեյ Լավրովը եկող շաբաթ օրը Լոզանում հանդիպում կունենա ԱՄՆ-ի իր գործընկեր Ջոն Քերիի, ինչպես նաև տարածաշրջանային մի շարք ազդեցիկ պետությունների ղեկավարների հետ: Այս մասին հայտարարությունն արվել է Հալեպում օդային հարվածների վերսկսումից 2 օր անց, որոնց զոհ են գնացել ավելի քան 75 մարդ: Ակնկալվում է, որ նախատեսվող հանդիպմանը կմասնակցեն նաև Սաուդիան Արաբիայի, Իրանի և Թուրքիայի ղեկավարները: Հանդիպումից հետո Քերին կմեկնի Լոնդոն: