Արամ Սարգսյանը Դալլաքյանի հրաժարականի և Օհանյանի հետ հնարավոր համագործակցության մասին
ՀԴԿ ղեկավար Արամ Սարգսյանն այսօր լրագրողների հետ հանդիպմանը անդրադառնալով ԱԺ նախկին պատգամավոր, ՀՀ նախագահի աշխատակազմի ղեկավարի տեղակալ և ԱԺ-ում ՀՀ նախագահի մշտական ներկայացուցիչ Վիկտոր Դալլաքյանի հրաժարականին, նշեց, որ վերջինս շատ երկար դիմացավ՝ համբերությունը մի քիչ շատ էր: Hayeli.am-ը մի քանի հարց է ուղղել Արամ Սարգսյանին: -Պարոն Սարգսյան, Վիկտոր Դալլաքյանն իր ասուլիսի ընթացքում հայտարարեց, որ եթե իր ելույթից հետո իրեն կամ իր ընտանիքի անդամներին բան պատահի, դրա պատասխանատուն Սերժ Սարգսյանն է։ Ձեր դիտարկմամբ, այդքան վտանգավոր հայտարարություններ արե՞ց նա, ինչի՞ հետ եք կապում այդ հայտարարությունը: -Չեմ կարող ասել, որովհետև անձը ինքն է որոշում այդ վտանգի չափը: Հավանաբար, ինքը ինչ-որ մտավխություն ունի կամ համապատասխան փորձ: Մի բանի մասին արդեն ասաց, որ, իսկապես, իր վրա հարձակում եղել է: Այնպես որ ինքն է այդ չափորոշիչը տեսնում՝ որտեղ է, ոնց է: Այդպես հաստատ ասել, որ այո՛, այդպես է կամ այդպես չէ, ես, իհարկե, չեմ կարող: Երեկ, այնուամենայնիվ, Դալլաքյանի հայտարարությունները մի խահ իրար խառնեցին քաղաքական դաշտը: Որո՞նք էին այն կարևոր մեսիջները, որ Դուք առանձնացրիք: Չեմ կարծում, որ դա խառնեց իրար: Նորություն է, ասացին, հիմա երկու օր հետո կմոռանան դրա մասին: Ես ընդամենը կարող եմ ասել, որ Վիկտորը հավանաբար պատճառ ունի, որպեսզի այսպիսի ելույթ ունենա: Միանշանակ, ես կարող եմ ասել, որ ինքը և՛ որպես քաղաքական գործիչ, և՛ որպես պատգամավոր, կայացած է: Իր հետ համամետել կարելի է շատ քիչ մարդկանց՝ որպես պատգամավորի: Եվ կորցնել նրան պառլամենտում, երբ նա մեծ ձգտում ուներ շարունակել աշխատել…հիմա այդ ամբողջ վերլուծությյունից հետո ինքը հավանաբար եկել է այն եզրակացության, որ պետք է փոխել իրավիճակը: -Դալլաքյանի ասուլիսի մեծ մասը նվիրված էր ԼՀԿ ղեկավար Էդմոն Մարուքյանին: Ինչպե՞ս եք Դուք գնահատում նրան հեռակա համակարտությունը,նրանք վաղեմի մրացակիցներ են: Ինչո՞ւ, ըստ Ձեզ, հենց հիմա Մարուքյանին «սևացնելու» գործընթաց սկսվեց: -Ես կարծում եմ՝ դա ընդամենը պատրվակ էր ավելի շուտ, որովհետև իր որոշումն, իհարկե, կապված չէ Մարուքյանի հետ: Դա լրիվ այլ պատճառներ ունի, սա ուղղակի որպես, այսպես ասած, ֆոն պիտի ներկայացվեր, թե ինչն էր հիմնական պատճառը, որ իրենց մոտ այդպիսի հարաբարություններ են ձևավորվել: Ես ընդհանրպես չեմ սիրում մեկնաբանել մեկ ուրիշի գործողությունները՝ առավելևս, եթե ես նրա հիմնական դրդապատճառներին ծանոթ չեմ: Ինչքան էլ որ մենք Վիկտորի հետ բարեկամական հարաբերություններ ունենք, բայց վերջին տարիներին չենք շփվել: Այնպես որ, ինքը կասի հավանաբար: -Դալլաքյանի անունը հիմա կապվում է նախկին ՊՆ Սեյրան Օհանյանի հետ համագործակցության… -Սեյրան Օհանյանը ինքը կասի: Սեյրան Օհանյանը ինքնաբավ անձնավորություն է: -Պատկերացնո՞ւմ եք Օհանյանին ընդդիմադիր դատում: -Ինչո՞ւ չէ: -Ի՞նչը պիտի ստիպի հիմա նրան ընդդիմադիր դաշտ մտնել: -Ընդդիմադիր ասելը այնպես չէ, որ ինքը պետք է դառնա ոխերիմ թշնամի: Ընդդիմադիը դա չի նշանակում, որ մենք թշնամին ենք այս երկրի կամ որևէ քաղաքական ուժի: Մենք մեր դիրքորոշումն ունենք: Բայց Օհանյանի հանեցին պաշտոնից և ստացվում է հիմա ինքը գնում է ընդդիմադիր դաշտ… -Ուրեմն ինքն էլ ինչ որ մի բանում անհամաձայն է եղել: Երբ հրաժարվում է այս կամ այն պաշտոնից, որն իրեն առաջարկում են, կնշանակի համաձայն չէ այդ ամենին: Ուրեմն ինքն էլ ունի որոշում, արդեն ինքը կասի՝ կգնա՞ ինքը ընդդիմության, այսինքն ընդդիմանալու, ոչ թե անպայման կտրուկ ընդդիմություն դառնալու: Ընդդիմանալու այս կամ այն տեսակետին, կամ գործողությանը: Կարինա Սահակյան
Հետևեք մեզ Viber-ում
