«Մեթյու» փոթորկի զոհերի թիվն արդեն 33-ն է

Мир24 հեռուստաալիքը՝ հղում անելով NBC News-ին հայտնում է,որ ԱՄՆ-ում «Մեթյու» փոթորկի  զոհերի թիվը հասել է 33-ի,ավելի վաղ իշխանություները հայտնել  էին 27 զոհի և 3 անհետ կորածի մասին,  զոհերի գրեթե կեսը գրանցվել է Հյուսիսային Կարոլինա նահանգում: Լենուար շրջանում հայտարարվել է ջրհեղեղի վտանգի մասին, բնակիչները տարհանվում են: «Մեթյու»-ն 2007 թվականից ի վեր դարձել է Ատլանտյան օվկիանոսի ամենահզոր փոթորիկը: Վերջին տվյալով՝ այն թուլացել է՝ հասնելով արևադարձային ցիկլոնի մակարդակի: ԱՄՆ-ում տարերային աղետի հասցրած վնասը 30 մլրդ դոլար է գնահատվում: Սակայն «Մեթյուն» ավերիչ հետևանքներ է ունեցել հատկապես Կարիբյան ավազանի երկրների համար: Փոթորկի հետևանքով Հաիթիում 1000 մարդ է զոհվել: