Դուբայում մեկնարկել են աշխարհի ամենաբարձր աշտարակի կառուցման աշխատանքները

Դուբայի իշխանությունները պաշտոնապես հայտարարել են մոլորակի ամենաբարձր աշտարակի կառուցման աշխատանքների մեկնարկի մասին, հայտնում է Al Arabiya-ն՝ հիշեցնելով, որ ներկայիս ամենաբարձր երկնաքերը՝ Բուրջ Խալիֆան (829.8մ), ևս գտնվում է Դուբայում: Դուբայի կառավարիչ Շեյխ Մուհամեդ բին Ռաշիդ ալ-Մաքթումը հայտնել է, որ ռեկորդակիր աշտարակը պատրաստ կլինի 2020թ.: Միևնույն ժամանակ, ալ-Մաքթումը չի մանրամասնել, թե որքան է լինելու կառույցի բարձրությունը և որքան գումար է պահանջվելու դրա կառուցման համար: Նշվում է, որ ներկայում աշխարհի ամենաբարձր աշտարակն է համարվում Tokyo Sky Tree-ն, որի բարձրությունը 634 մ է: