Գրիգորի Լեպսը հիասթափվել է իր աղջկանից. տեսանյութ

Այն մասին, որ Ինգան՝ Գրիգորի Լեպսի ավագ դուստրը, որոշել է փորձել իր ուժերը «Голос» նախագծում, հայտնի էր դարձել որոշ ժամանակ առաջ: Սակայն միայն երեկ է եթեր դուրս եկել այն թողարկումը, որում Ինգան բեմ է բարձրանում որպես հեռուստածրագրի մասնակից: Այս մասին գրում է 7days.ru-ն: Աղջիկը կատարել է «Not about angels» երգը, սակայն ոչ ոք չի ընտրել նրան: Վերջում խոր հիասթափություն ապրած Լեպսը խիստ քննադատել է Ինգային: «Անկեղծ ասած՝ վատ էր: Մի տեղում շատ վատ էր, մնացած մասերում՝ ոչինչ, սակայն վերջում վատ երգեցիր»,- հայտնել է Լեպսը: Իսկ Պոլինա Գագարինան և Դիմա Բիլանը սկսել են պաշտպանել աղջկան: Նրանք ասել են, որ աղջիկը հետաքրքիր ձայն ունի և խորհուրդ են տվել ուսուցիչների հետ ավելի լավ աշխատել և վերադառնալ ու փորձել իր ուժերը հաջորդ տարի: