Վարուժան Սուքիասյանը հորդորում է

Հայաստանի ազգային հավաքականն Աշխարհի 2018 թվականի ընտրական փուլում վաղը հյուրընկալելու է Ռումինիայի ընտրանուն: Հանդիպման նախօրեին մեր ազգային թիմի գլխավոր մարզիչ Վարուժան Սուքիասյանը պատասխանեց հարցերին.   - Ասել էիք, որ Հենրիխ Մխիթարյանի միայն ներկայությունը կարևոր է հավաքականի համար, սակայն այս անգամ բացակայում է. ի՞նչ կասեք:   - Տեղին հարց է: Ամեն դեպքում, ֆուտբոլը կոլեկտիվ խաղ է: Ֆուտբոլիստները տրամադրված են, պատրաստ են, վաղը պետք է անմնացորդ նվիրվեն խաղին:   - Հենրիխ Մխիթարյանի հարցով ՀՖՖ-ն միայն գրավոր հարց է ստացել. Դուք բանակցե՞լ եք:   - Դժվարանում եմ պատասխանել: Իրավասու չեմ գնահատական տալ, որովհետև ինքս չեմ զբավում: Մինչև երեկ բանակցությունների մեջ էինք:   - Քիչ հարձակվողներ եք հրավիրել. ինչո՞վ է պայմանավորված:   - Ես նայում եմ բոլոր ֆուտբոլիստներին: Հնարավոր չէ, որ մեկն իմ աչքից բաց թողնեմ: Սպասենք վաղվա խաղին: Ցանկանում եմ չակերտները բացել. իրավունք ունեք դիտարկել ֆուտբոլիստների հրավիրել-չհրավիրելու հարցում: Սակայն ճշմարտության աչքերին ճիշտ նայենք. այդ ֆուտբոլիստներից 80-90 տոկոսը պրակտիկա չունեն, արագուժային ֆուտբոլ դավանող թիմերի հետ խաղալիս «խեղճանում են»: Տեղացիները, ովքեր պրակտիկա ունեն, ավելի լավ կխաղան. տեսնենք:   - Արաս Օզբիլիսը նույնպես պրակտիկա չունի. ինչպիսի՞ վիճակում է նա:   - Իր փորձով և մտածելակերպով մեզ կօգնի նա: Կարող է բավականին խաղաժամանակ դաշտում լինել:   - Մխիթարյանի բացակայությունը կարո՞ղ է լրացուցիչ խթան լինել մյուս խաղացողների համար, ինչպես օրինակ Ռոնալդուի բացակայությունն էր այլ կերպ տրամադրել պորտուգալացիներին:   - Սպորտային բախտը բարեհաճ չի եղել մեր հանդեպ: Սպասենք և տեսնենք:   - Ինչպե՞ս է տրամադրվածությունը: - Լավատեսորեն եմ տրամադրված, նույնկերպ էլ տղաները պետք է դաշտ մտնեն: Մարտական ոգին չի բացակայում: Խաղն ամեն ինչ կասի:   - Ռումինիայի մարզչի մասին ի՞նչ կարծիք ունեք:   - Փորձառու մարզիչ է, նրա մասնագիտականի մասին հարցերն ավելորդ են: - Ոչ-ոքին բավարա՞ր արդյունք կլինի: - Այդ հարցին դուք պետք է պատասխանեք: - Անհատական հսկողություն լինելո՞ւ է, թե՞ մեր խաղն ենք ցուցադրելու: (Սուքիասյանը հընթացս ասաց միանշանակ, ուստի չհասկացվեց, թե որ դիտարկմանն է մասնագետը համաձայն): Սուքիասյանը հավելեց. «Վերջում ակնկալում եմ, որ թուլացնել լարվածությունը և աջակցեք մեր թիմին. տղաները դրա կարիքն ունեն»: