Հայտնի թուրք լրագրողը կարող է ազատազրկվել

Թուրքիայի նախագահ Ռեջեփ Թայիփ Էրդողանին վիրավորելու հիմնավորմամբ Ստամբուլի հանրապետական դատախազությունն առաջարկել է թուրք հայտնի գրող, լրագրող Ահմեթ Ալթանին դատապարտել 1-ից մինչև 4 տարի և ութ ամիս ազատազրկման: Այս մասին տեղեկացնում է թուրքական «Հուրիեթ» պարբերականը: Մեղադրական եզրակացությունում նշվում է, թե Ալթանը 2015 թվականի ապրիլի 13-ին հրապարակած հոդվածում անցել է քննադատության սահմանները և վիրավորել է երկրի նախագահին: Ներկայում հայտնի թուրք լրագրողը ձերբակալված է երկրում հուլիսի 15-ի ռազմական հեղաշրջման փորձի հետաքննության շրջանակում: