Ռուսաստանը դեմ է ամերիկյան ծրագրին

ԱՄՆ նախագահ Բարաք Օբաման ու ԱՄՆ պետքարտուղար Ջոն Քերրին կողմ չեն սիրիական հակամարտության կարգավորման այն տարբերակին, որը ուժային լուծում է ենթադրում, հայտնել է ՌԴ ԱԳՆ պաշտոնական ներկայացուցիչ Մարիա Զախարովան, փոխանցում է «ՌԻԱ Նովոստին»։ «Մեկ այստեղ, մեկ այնտեղ տեղեկություններ են հայտնվում այն մասին,որ այդ «Բ» ծրագիրը, այդ սցենարը դեռ օրակարգում է։ Մենք հասկանում ենք, որ դրան չեն աջակցում ոչ պետքարտուղարը, ոչ ԱՄՆ նախագահը, որոնք այդուհանդերձ մտադիր են հավատարիմ մնալ ՄԱԽ ԱԽ բանաձեւերին, որոնցում հստակ ամրագրված է, որ ռազմական լուծում չկա»,- ասել է նա։ Զախարովան նաեւ նշել է, որ ռուսական կողմը չի կարող առաջնորդվել Սիրիայի իրավիճակին «միասնական ամերիկյան մոտեցումով», քանի որ պարզապես չի տեսնում այն։