Արձագանքելով երկու ադրբեջանցի լրագրողների և նրանց ընտանիքների հասցեին հնչեցված մահվան սպառնալիքներին՝ «Freedom House» իրավապաշտպան, դիտորդական կազմակերպությունը հանդես է եկել հետևյալ հայտարարությամբ.
«Ադրբեջանի կառավարության կողմից անկախ ԶԼՄ-ների անդադար հետապնդումը, լրագրողների նկատմամբ բռնություն գործադրած անձանց նկատմամբ հետաքննություն իրականացնելու ցանկության բացակայությունը խորացնում են անպատժելիության մթնոլորտը»,- Ռոբերտ Հերման, միջազգային ծրագրերի փոխնախագահ: «Լրագրողներ Սեվինք Օսմանքիզի և Այնուր Էլգունեշի հասցեին հնչեցված մահվան սպառնալիքները պետք է հրապարակավ դատապարտվեն կառավարության կողմից, հետաքննվեն, և պատասխանատու անձինք պետք է պատասխանատվության ենթարկվեն»,-նշված է հայտարարության մեջ:
Հայտարարության մեջ նշված է նախապատմությունը, ըստ որի՝ 2016թ-ի հոկտեմբերի 4-ին Ադրբեջանի «Մեյդան TV» լրատվական գործակալության լրագրող Սեվնիք Օսմանգիզին, ով բնակվում է ԱՄՆ-ում, հեռախոսազանգեր է ստացել՝ մահվան սպառնալիքներով իր և իր ընտանիքի անդամների հասցեին՝ կապված լրագրողի կատարած աշխատանքի հետ: Նույն օրը Բաքվում գործող մեկ այլ անկախ լրագրող՝ Այնուր Էլգունեշը, ստացել է բազմաթիվ հեռախոսազանգեր՝ մահվան սպառնալիքներով «Մեյդան TV»-ի հետ համագործակցության համար:
«Մեյդան TV»-ն ստիպված եղավ փակել իր Բաքվի գրասենյակը բազմաթիվ սպառնալիքների և ճնշումների ազդեցության տակ: Վերջին 2 տարիների ընթացքում Ադրբեջանի կառավարությունը ճանապարհորդելու արգելք է սահմանել «Մեյդան TV»-ի լրագրողների վրա: 2016թ-ի մարտին Ադրբեջանի կառավարությունը քրեական գործ է հարուցել «Մեյդան TV»-ի վրա, որը դեռ ընթացքի մեջ է:
Ադրբեջանն «Ազատությունն աշխարհում-2016» և «Մամուլի ազատություն-2016» տարեկան զեկույցներում գնահատվել է որպես անազատ երկիր, մասամբ ազատ է ճանաչվել «Freedom of the Net 2016» զեկույցի շրջանակներում և ժողովրդավարության ցուցանիշի համար ստացել է 6,86 ինդեքսը 1-7 բալանոց գնահատման համակարգում, որտեղ 7 միավորը հնարավոր ամենավատ գնահատականն է ժողովրդավարության ասպարեզում ունեցած առաջընթացի համար»,-նշվում է «Freedom house» իրավապաշտպան կազմակերպության հայտարարության մեջ:
Մարտի 7-ին՝ ժամը 13։00-ին, Հայելի ակումբի հյուրն է Աշոտ Անդրեասյանը
Մարտի 7-ին՝ ժամը 12։00-ին, Հայելի ակումբի հյուրն է Արա Վարդանյանը
Մարտի 6-ին՝ ժամը 14։00-ին, Հայելի ակումբի հյուրն է Ալբերտ Բազեյանը
Մարտի 6-ին՝ ժամը 13։00-ին, Հայելի ակումբի հյուրն է Արմինե Ադիբեկյանը
Մարտի 6-ին՝ ժամը 12։00-ին, Հայելի ակումբի հյուրն է Վոլոդյա Հովհաննիսյանը
Մարտի 6-ին՝ ժամը 11։00-ին, Հայելի ակումբի հյուրն է Դերենիկ Մալխասյանը
Մարտի 5-ին՝ ժամը 10։30-ին, Հայելի ակումբի հյուրն է Տիգրան Չոբանյանը
Մարտի 4-ին՝ ժամը 12։00-ին, Հայելի ակումբի հյուրն է Ձյունիկ Աղաջանյանը
Մարտի 4-ին՝ ժամը 15։00-ին, Հայելի ակումբի հյուրն է Անաստաս Իսրայելյանը
Մարտի 4-ին՝ ժամը 13։00-ին, Հայելի ակումբի հյուրն է Խաչիկ Մանուկյանը
Հետևեք մեզ Viber-ում
