Խորհրդարանում մեկնարկեց Հասարակական կազմակերպությունների մասին օրենքի նախագծի քննարկումը, որի հիմնական զեկուցողն է Արդարադատության նախարար Արփինե Հովհաննիսյանը: Նա նախ նշեց, որ այս օրինագիծը Կառավարությունում ամենաշատ քննարկվածներից է՝ քննարկումներ եղել են հասարակական կազմակերպությունների, միջազգային կառույցների և այլնի հետ: Նախարարի որակմամբ՝ այս նախագիծը գտնվում է քաղհասարակության շահերի կիզակետում: «Նախագծի սկզբունքն այն է, որ անհարկի չմիջամտենք ՀԿ-ների գործունեությանը, միևնույն ժամանակ պատշաճ կերպով ձեռքը պահենք զարկերակի վրա: Գործող կարգով ՀԿ-ն շահույթի ստացում չհետապնդող կամ ստացված շահույթը մասնակիցների մեջ չբաշխող, այլ կերպ ասած, ոչ առևտրային կազմակերպությունների միավորման տեսակ է, այսօր նախագծով առաջարկվում է, որ ՀԿ-ների անդամ կարող են լինել ինչպես քաղաքացիներն, այնպես էլ իրավաբանական անձինք: Հասարակական կազմակերպություններին հնարավորություն է ընձեռնվել զբաղվել ձեռնարկատիրական գործունեությամբ, կարող են ստեղծել կամ էլ մասակից լինել առևտրային կազմակերպության»,- ասաց Արփինե Հովհաննիսյանը: Նախարարը ներկայացրեց, որ կազմակեպության գտնվելու վայրի փոփոխության դեպքում իրավաբանական անձանց պարզապես պետք է տեղեկացնել, այլ ոչ թե փոխել կանոնակարգը: Փոփոխությամբ ՀԿ-ներին հնարավորություն է տրվում ոչ միայն ունենալ անդամներ, այլ կարող են ունենալ նաև շահառուներ, ինչպես նաև կարող են ներգրավել կամավորների: Հովհաննիսյանը կարևորեց նաև ՀԿ-ների գործունեության հաշվետվության հետ կապված փոփոխությունը: «Գործող օրենքն այս հարցն առհասարակ չի կարգավորում, և հարց է, թե գործունեության որ հատվածին վերաբերող մասերով պետք է հաշվետվություն ներկայացվի: Այժմ ամրագրվել է, որ եթե կազմակերպության գույքի ստացման աղբյուր են հանդիսացել հանրային միջոցները, ապա կազմակերպությունը պարտավոր է յուրաքանչյուր հաշվետվության համար նախատեսված կայքում հրապարակել իր հաշվետվությունը, իսկ չներկայացնելու դեպքում կլինի վարչական պատասխանատվություն: Ինչպես նաև, եթե հաշվետու տարում ՀԿ-ն, որը հանրային ռեսուրսներից կազմված մուտքերը հասնում է մինչև 5 մլն դրամ, ապա պետք է ենթարկվի աուդիտի»,- շարունակեց նախարարը:
Մայիսի 15-ին՝ ժամը 15։00-ին, Հայելի ակումբի հյուրն է Դերենիկ Մալխասյանը
Մայիսի 15-ին՝ ժամը 14։00-ին, Հայելի ակումբի հյուրն է Հայկ Այվազյանը
Մայիսի 15-ին՝ ժամը 11։30-ին, Հայելի ակումբի հյուրն է Հայկ Նահապետյանը
Մայիսի 15-ին՝ ժամը 10։30-ին, Հայելի ակումբի հյուրն է Վոլոդյա Հովհաննիսյանը
Մայիսի 14-ին՝ ժամը 12։00-ին, Հայելի ակումբի հյուրն է Աշոտ Անդրեասյանը
Մայիսի 14-ին՝ ժամը 16։00-ին, Հայելի ակումբի հյուրն է Հենրիխ Դանիելյանը
Մայիսի 14-ին՝ ժամը 15։00-ին, Հայելի ակումբի հյուրն է Հրանտ Մելիքյանը
Մայիսի 14-ին՝ ժամը 13։00-ին, Հայելի ակումբի հյուրն է մուլտիպլիկատոր Դավիթ Սահակյանցը
Մայիսի 14-ին՝ ժամը 14։30-ին, Հայելի ակումբի հյուրն է Էլյանորա Մանանդյանը
Մայիսի 13-ին՝ ժամը 13։00-ին, Հայելի ակումբի հյուրն է Երևանի Արաբկիր համայնքի նախկին ղեկավար Հովհաննես Շահինյանը
Հետևեք մեզ Viber-ում
