Ցանկացած գործ, որն արվում է սեփական կարևորությունն ընդգծելու համար, դատապարտված Է անհաջողության

Ներկայացնում ենք Առավոտ թերթի խմբագրականից մի հատված.   «Հավատացեք, ցանկացած գործ, որն արվում է սեփական կարևորությունն ընդգծելու համար, դատապարտված Է անհաջողության։ Ոչ միայն գործ, այլև ցանկացած գրված կամ արտասանած բառ։ Երբ հայտնի գրող-հրապարակախոսն ասում Է՝ «ես դեռևս 19.. թվականին ասում էի...», ինձ այլևս չի հետաքրքրում, թե ինչ Էր նա ասում, որովհետև այս նախադասության մեջ կարևորը «Ես»–ն Է, մնացածը որևէ նշանակություն չունի։ Երբ պատգամավորն ասում է՝ «ես այն քաղաքական գործիչն եմ, որը...», այլևս էական չէ, թե ինչ է նա արել, որովհետև եթե արել է և նման տոնով խոսում է դրա մասին, ուրեմն արել է ոչ թե մարդկանց օգուտ բերելու նպատակով, այլ ընդամենը դրա մասին խոսելու համար։ Երբ քաղաքական գործիչն ասում է՝ «ես այնքան կարևոր եմ, որ ամբողջ հակառակորդ ճամբարի ուշքն ու միտքը ինձ որևէ վատություն անելն է», դա նշանակում է, որ նա այնքան էլ կարևոր չէ՝ հակառակ դեպքում դրա մասին չէր խոսի։ Բայց եթե ես ինձ այդքան կարևորում եմ, ապա պարտք եմ համարում աջից ու ձախից հարձակվող «դուշմաններից» պաշտպանվել՝ նրանց շեշտակի հարվածներ և հակահարվածներ հասցնելով։ Միայն թե հարց է առաջանում՝ արժե՝ արդյոք դրա վրա կյանք ծախսել»,–գրում է թերթի խմբագիրը։   Ամբողջությամբ՝ թերթի այսօրվա համարում։