Մենք հաստատ ՀՀԿ-ի հետ Վանաձորում չենք կազմի քաղաքական կոալիցիա․ «Ազատություն» ռ/կ-ի եթերում հայտարարեց «Հայկական վերածնունդ կուսակցության» անդամ, ԱԺ ՕԵԿ խմբակցության պատգամավոր Հեղինե Բիշարյանը:
«Դա միանշանակ է, և մենք չենք անի: Մենք դեռ պետք է իմի բերենք մեր քվոտաները, մեր հնարավորությունները․դրա արդյունքում կուսակցությունում տեղի կունենա քննարկում և թե ինչպիսին կլինեն մեր հետագա գործողությունները՝ կմնա՞նք առանձին, թե՞ կհամագործակցենք որևէ քաղաքական ուժի հետ, արդեն քննարկումները ցույց կտան»,- ասաց նա:
Վանաձորում իրենց հետ կոալիցիա կազմելու առաջարկ էր ներկայացրել նաև «Լուսավոր Հայաստան» կուսակցության առաջնորդ Էդմոն Մարուքյանը:
Հարցին, թե ինչը պետք է ստիպի «Հայկական վերածնունդին», որ չմիավորվի ընդդիմադիրների հետ ընդդեմ իշխանությունների, Հեղինե Բիշարյանը պատասխանեց․ «Այս պահին այդպիսի քննարկում չի եղել: Այստեղ կան բաներ, որ պետք է ամեն ինչ հաշվի առնել, թե որոնք կլինեն խանգարող հանգամանքները, նորից քննարկումները ցույց կտան»:
Հարցին՝ արդյոք հնարավո՞ր է, որ «Հայկական վերածնունդը» Վանաձորում որևէ քաղաքական ուժի հետ համագործակցի, Հեղինե Բիշարյանը պատասխանեց․«Մենք ընդհանրապես ոչ մի համագործակցություն չենք բացառում: Կան մոտեցումներ, որ կարելի է անգամ համագործակցել սատանայի հետ, եթե այդ համագործակցությունը մեր քաղաքացիների կյանքում ինչ-որ բան փոխելու համար է: Մենք այնպիսի քաղաքական գործիչներ չենք, որ վետոներ դնենք, ասենք՝ այս մեկի հետ կարելի է համագործակցել, մյուսի հետ՝ ոչ: Եթե նույնիսկ իշխանությունն ինչ-որ բան է ասում, որ շատ խելոք է, օրինակ՝ խորհրդարանում, ինձ թվում է՝ այդ դեպքում կարելի է համագործակցել նրա հետ»:
Հեղինե Բիշարյանը նշեց, որ իրենք որևէ ընդդիմադիր ուժի համար խնդիր չեն առաջացրել և ոչ էլ հիմա են առաջացնում․«Համագործակցությունը շատ կարևոր մի բան է, և պետք է գնալ այդ ճանապարհով: Այն քաղաքական ուժերը, որոնք իրենց գործընկերների վրա քար ու ցեխ են շպրտում, իրենք դատապարտված են և կյանքը ցույց է տվել, որ այդպես է»:
Որևէ քաղաքական ուժի հետ կոալիցիա կազմելու կամ չկազմելու մասին որոշումը, ըստ նրա, «Հայկական վերածնունդը» կներկայացնի քննարկումից հետո՝ պատճառաբանված և հիմնավորված:
Մայիսի 15-ին՝ ժամը 15։00-ին, Հայելի ակումբի հյուրն է Դերենիկ Մալխասյանը
Մայիսի 15-ին՝ ժամը 14։00-ին, Հայելի ակումբի հյուրն է Հայկ Այվազյանը
Մայիսի 15-ին՝ ժամը 11։30-ին, Հայելի ակումբի հյուրն է Հայկ Նահապետյանը
Մայիսի 15-ին՝ ժամը 10։30-ին, Հայելի ակումբի հյուրն է Վոլոդյա Հովհաննիսյանը
Մայիսի 14-ին՝ ժամը 12։00-ին, Հայելի ակումբի հյուրն է Աշոտ Անդրեասյանը
Մայիսի 14-ին՝ ժամը 16։00-ին, Հայելի ակումբի հյուրն է Հենրիխ Դանիելյանը
Մայիսի 14-ին՝ ժամը 15։00-ին, Հայելի ակումբի հյուրն է Հրանտ Մելիքյանը
Մայիսի 14-ին՝ ժամը 13։00-ին, Հայելի ակումբի հյուրն է մուլտիպլիկատոր Դավիթ Սահակյանցը
Մայիսի 14-ին՝ ժամը 14։30-ին, Հայելի ակումբի հյուրն է Էլյանորա Մանանդյանը
Մայիսի 13-ին՝ ժամը 13։00-ին, Հայելի ակումբի հյուրն է Երևանի Արաբկիր համայնքի նախկին ղեկավար Հովհաննես Շահինյանը
Հետևեք մեզ Viber-ում
