Հռոմի պապը այցելել էր Հայաստան, իսկ հիմա էլ Ադրբեջան. Իտալացի լրագրող

Ղարաբաղյան հակամարտությունը սնում են քարոզչությունն ու թշնամու կերպարը։ Այս մասին իտալական Mondo e Missione պարբերականին հայտնել է լրագրող Սիմոնե Դզոպելարոն, որը այցելել է Հայաստան ու Ղարաբաղ։ Ինչո՞ւ են շարունակում պատերազմել 20 տարի անց Տարածաշրջանի հայկական բնակչությունը, որը միշտ մեծամասնություն է կազմել, ուզում էր միանալ հայկական հայրենիքի հետ, որից նրան անձնական որոշումով 30-ականներին Ստալինն էր բաժանել։ Հակամարտությունում 80-90 ականներին նրանք հաղթանակ տարան, բայց այն չամրագրվեց խաղաղության համաձայնագրով։ Ղարաբաղում չկա նավթ, խաղաքարտի վրա խոշոր ռեսուրսներ չկան դրված։ Բայց հակամարտությունը սնում է այն քարոզչությունը, որը ծնել է թշնամու գաղափարը։ Այս քարոզչությունը ընթանում է հասարակական անհավասարության ու ազատությունների պակասի ֆոնին, ինչը բնութագրական է տարածաշրջանում գործող ռեժիմների համար։ Ապրիլին նոր էսկալացիա եղավ․․․ Շատ կորուստներ եղան, տներ ու դպորցներ ավերվեցին։ Օգտագործվեց միջազգային արգելված զենք՝ կասսետային ռումբեր, որոնք Ադրբեջանը կիրառեց հայերի դեմ։ Հայկական Թալիշ գյուղը վերածվեց ուրվական- գյուղի։ Վերջին էսկալացիան հատուկ մտահոգություն ներշնչեց։ Խաղաղությունը հեռու է, ինչպես երբեք։ Հռոմի պապը այցելել էր Հայաստան, իսկ հիմա էլ Ադրբեջան․․․ Հռոմի պապը պետք է այցելեր Վրաստան, Հայատան ու Ադրբեջան մեկ ուղեւորության շրջանակում։ Բայց ավելի ուշ նա որոշեց սկզբում Հայաստան այցելել։ Ադրբեջանը նույնպես կարեւոր է Սուրբ Գահի համար։ Ոչ այնքան կաթոլիկների պատճառով, որոնք այնտեղ շատ քիչ են, որքան միջկրոնական երկխոսություն բացելու համար, որի նկատմամբ պատրաստակամություն է դրսեւորել երկրի ղեկավարությունը։ Խոսքը մի երկրի մասին է, որտեղ մեծամասնությունը մուսուլմաններ են։ Երկրի, որը ամենեւին էլ լիբերալ չէ, բայց շատ առումներով՝ աշխարհիկ է։ Բացի դրանից Հեյդար Ալիեւի հիմնադրամը ֆինանսավորել է Վատիկանում մի շարք կարեւոր նախագծեր, այդ թվում սուրբ Մարցելլայի ու Պետրոսի կատակոմբների վերականգնումը։ Հռոմի պապ Ֆրանցիսկոսի համար շատ կարեւոր է հայերի, թուրքերի ու ադրբեջանցիների հաշտեցումը ու նա անպայման կարտահայտվի Լեռնային Ղարաբաղում խաղաղության մասին։