«Շնորհակալություն տղաներին». Աշոտ Բարսեղյան
Հայաստանի Բարձրագույն խմբի 8-րդ տուրում «Գանձասար-Կապանը» սեփական հարկի տակ 1:0 հաշվով հաղթել է «Փյունիկին»: Կապանյան թիմի գլխավոր մարզիչ Աշոտ Բարսեղյանը հաղթանակից հետո խոսել է հանդիպման մասին: «Շնորհակալություն տղաներին: Նրանք անմնացորդ կերպով պայքարեցին եւ հաղթեցին, կեցցեն իրենք: «Փյունիկը» երիտասարդ ֆուտբոլիստներով համալրված, վտանգավոր եւ բարդ թիմ է: Նրանց հետ խաղալը շատ բարդ է, բայց ի ուրախություն մեզ՝ կարողացանք հաղթել: Բնական է, խաղի ավարտին մոտ՝ ավելի շատ մտածում էինք պաշտպանության մասին եւ «Փյունիկը» սկսեց ավելի շատ գրոհել: Այս հաղթանակը շատ կարեւոր էր մեզ համար:» Առաջին անգամ փորձարկեցիք Արտակ Ալեքսանյանին, իր վնասվածքից հետո: Ի՞նչ տպավորություն նա թողեց: Նա մի քանի օր է ինչ մարզվում է: Թիմին օգնելու շատ մեծ ցանկություն ունի, բայց շատ ժամանակ ցանկությունը եւ հնարավորությունները իրար չեն համապատասխանում: Ամենդեպքում, միտումնավոր դուրս բերեցինք խաղադաշտ, որ 15-20 րոպե խաղա: Այս դադարը շատ լավ հնարավորություն կտա նրան՝ մարզավիճակ հավաքելու համար:
Հետևեք մեզ Viber-ում
