Ինչու ԱՄՆ-ն հարվածներ չի հասցրել «Ջեբհաթ ան Նուսրային».Պետդեպ
Ինչպես հայտնում է Lenta.ru-ն ԱՄՆ պետդեպարտամենտի պաշտոնական ներկայացուցիչ Մարկ Թոները ընդունել է, որ Միացյալ Նահանգները վերջին կես տարում հարված չեն հասցրել «Ջեբհաթ ան Նուսրա» ահաբեկչական խմբավորման վրա։
«Դա պայմանավորված է խաղաղ բնակիչների մասին հոգատարությամբ, քանի որ զինյալները նրանցից շատ մոտ են գտնվում։ Մենք ամենասկզբում հարվածներ հասցնում էինք «Ջեբհաթ ան Նուսրային»՝ դեռ 2014-ին ու 2015-ին։ Բայց հենց նրանք սկսեցին թափանցել քաղաքացիական տարածքներ, մենք ձգտեցինք սահմանափակել հնարավոր զոհերի քանակը խաղաղ բնակչության շրջանում ու դրա համար էլ խուսափեցինք ավիահարվածներից», - ասել է Պետդեպի ներկայացուցիչը։
«Այդ խմբավորման ղեկավարներին կարելի էր ոչնչացնել համատեղ գործադիր կենտրոնի օգնությամբ, որի ստեղծումը սեպտեմբերի 9-ին Սիրիայի վերաբերյալ համաձայնեցված ռուս-ամերիկյան պայմանավորվածությունների կետերից մեկն էր»,-ասել է նա:
Հետևեք մեզ Viber-ում
