Էրդողանը ԵՄ-ին ստի մեջ է մեղադրու՞մ
«Անհրաժեշտ է, որ հոկտեմբերին ուժի մեջ մտնի առանց վիզայի ռեժիմը, բայց Եվրոպան չի կատարում Թուրքիային տված իր խոստումները…այն, որ մենք 53 տարի սպասում ենք Եվրամիության մուտքի մոտ, ցույց է տալիս, թե ինչպես են նրանք մեզ վերաբերում»,- Թուրքիայի խորհրդարանի աշնանային նստաշրջանի բացմանը Թուրքիայի նախագահ Ռեջեփ Թայիբ Էրդողանը Եվրամիությանը մեղադրել է տված խոստումները չկատարելու մեջ:Այս մասին հայտնում է RIA Novosti-ն։ « Թուրքիան Եվրամիության վերաբերյալ իր խոստմանը միշտ տեր է եղել և եվրոպացիներից սպասում է անկեղծ ու բաց վերաբերմունքի:Մենք չունենք և չենք ունենա որևէ խնդիր այն չափանիշների հետ, որոնք պահանջում է Եվրամիությունը` ոչ մարդու իրավունքների, ոչ խոսքի ազատության, ոչ այլ հարցերի հետ կապված: Մենք դրանք ընդունում ենք ոչ Եվրամիության պահանջներից ելնելով, այլ հանուն մեր քաղաքացիների: Եթե Եվրամիությունը Թուրքիային անդամակցության հնարավորություն տա, ապա մենք պատրաստ ենք, բայց այս խաղում մենք հասել ենք վերջին փուլին: Նրանցից է կախված կգնա՞ն առաջ Թուրքիայի հետ, թե ոչ»,-ասել է Էրդողանը:
Հետևեք մեզ Viber-ում
